Pax Christi
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/f/f9/Pax_christi_2017-02-18_259.jpg/350px-Pax_christi_2017-02-18_259.jpg)
Pax Christi 'l è 'n muimènt religióś catòlic internasiunàł, nâ in dal 1945 in Frància p'r òpra di munsgnōr Pierre-Marie Théas e Jules Saliège, ch'al s dà da far par la paś, p'r al préghi e par trasfurmàr un mónd squasâ da la viulénsa, da 'l terurìśum e da difarénsi suciàli tròp grôsi.
In di prim an Sinquànta al muimènt al s è stramnâ anc in Inghiltèra, in Bélgi, in Ulànda, in Àustria e in Śvisra. Dòp ch'in dal 1952 al papa Pio XII al gh'à dâ la sò benedisiòṅ, Pax Christi l'à catâ cà in tuta l'Európa ucidentàla, anc in Itàglia e in Spaggna.
In dal 1963 papa Śvan XXIII, cun la sò ensìclica Pacem in Terris, 'l à definî méj al cuncèt ad paś dgénd ch'la gh'à da èsar par fòrsa ligàda a la giustìsia e a 'l rispèt di dirìt umàṅ.
Culegamènt estéran
- (EN)(FR)(ES) Al sit ufisiàł